cropped-img_1514.jpg
Masiere

Fina indove che l’ocio pol guardar
xe masiere. De monte fina in mar.

Masiere drite, come s’ciopetadeDSC01702
masiere come bisse, un fia’ imberlade
masiere dopie e ugnule, masiere:
una maledizion fata de piere,
de  miliardi de piere grige e bianche
su par le gobe, so par le calanche.

Masiere alte come monumenti,
masiere che resiste a tuti i venti,
masiere in fila come in procission:
una bestemia una benedizion?

Masiere longhe come filastroche
piene de busi, come tante boche
che ga sede e che aspeta un fia’ de piova.

Scorcio dal muro "ugnolo"

Qualcheduna de spini incoronada
e qualche altra mesa dirocada,
tante masiere e par sempre l’istessa
solo ogni tanto un petene: una lessa!

E po’ ancora masiere e ancora e ancora
che no le buta so nissuna bora
nè garbin nè siroco o levantera:
xe tuto uno tuto una masiera.
Mièri de masiere e po’ altre zento
come la storia de quel sior Intento
che si volè che tutave la digo
vedarè che mi mai no se distrigo.

Masiere par el drito e par roverso,img_1511
masiere: vu se ‘l simbolo de Cherso!